The Rate Boy

சிறுவயது முதலே இசைத்துறையில் அதீத ஈடுபாடும் ஆர்வமும் கொண்ட இவர் கணனி மூலம் நவீன இசைத் திறமையை தேசிய மட்டத்திலும், சர்வதேச மட்டத்திலும் வெளியடுத்தி வருகின்றார்.

சர்வதேச அளவில் பல இசைத் தொகுப்புகளுக்கு இசையமைத்து புகழ் பெற்ற இவர் “மீதும் வெஸ்ஸே” என்ற இசைத் தொகுப்பு ஒன்றை அண்மையில் வெளியிட்டார். யூனிவர்ஸல் மற்றும் ஈ-என்டர்டைன்மட் மூலம் சர்வதேச ரீதியில் வெளியிடப்பட்ட இந்த இசைத் தொகுப்பின் இசைத் தட்டுக்கள் மிக அதிகமாக விற்பனையானமை குறிப்பிடத்தக்கது.

அதேபோல பல தரப்பட்ட நாடகங்களுக்கும் இவர் இதுவரை இசையமைத்துள்ளார். அது தவிர சர்வதேச அளவில் பல விளம்பரங்களுக்கும், குறியிசைகளுக்கும் இசையமைத்துள்ள இவர் சர்வதேச தமிழ் நெஞ்சங்கள் மத்தியில் மிகுந்த அபிமானம் பெற்றவர் என்பது சிறப்பம்சமாகும்.

ஆசிய ஒலிபரப்புக் கூட்டுத்தாபனத்தின் வலையமைப்பின் கீழ் இயங்கும் சூரியன் எவ்.எம்மில் இவர் இசையமைப்பாளராகப் பணியாற்றி வருவதுடன், அதன் ஏனைய இணை அலைவரிசைகளான ஆங்கிலம் மற்றும் சிங்கள சேவைகளுக்கும் குறியிசைகளையும், விளம்பரங்களையும் அமைத்து தனது பங்களிப்பை விசாலமாக வழங்கி வருகிறார்.

அண்மையில் நடைபெற்ற வானொலிகள் தரப்படுத்தலில் தற்போதுள்ள இலங்கை வானொலி இசையமைப்பாளர்களில் சிறந்த இசையமைப்பாளர் என்ற விருதையும் ஆசிய ஒலிபரப்புக் கூட்டுத்தாபனத்திற்கு பெற்றுக் கொடுத்துள்ளார் என்பது குறிப்பிடத்தக்கது.

மிகுந்த ஆர்வத்துடனும், முழு அர்ப்பணிப்புடனும் தற்போது இந்த த ரேட் போய் குறுந்திரைப்படத்தில் இசையமைப்பாளராகப் பணியாற்றி வருகிறார் என பெருமிதப்படுத்துகிறார் இயக்குநரும் தயாரிப்பாளருமான மஹ்ரூப்.